26-тӥ инвожое Калыкъёслэн эшъяськон юртазы «Польский центр культурного и делового сотрудничества» мерлыко огазеяськонэн тодмаскон ортчиз.

Центр огазея элькунамы улӥсь полякъёсты но озьы ик соосты, кин тунсыкъяське та калыклэн лулчеберетэныз, сям-йылолъёсыныз но кылыныз. Эшшо одӥгез меретэз центрлэн – Удмурт Элькунэн Польша вискын кусыпъёс радъян.

2015-тӥ арын Россиын но Польшаын ог-огзылэн лулчеберетзылы сӥзем аръёс ортчозы. Радъямын луозы пӧртэм ужрадъёс. Центрлэн ёзчиосыз пыриськыны малпало карысь но, элькунысь но ужрадъёсы.

Центрен тодматскон жытэ лыктэмын вал мерлыко огазеяськонъёслэн кивалтӥсьёссы, Удмурт Элькунысь йöскалык полиикая министерствоысь но Калыкъёслэн эшъяськон юртысьтызы ӧнрчиос, угось ӵапак таосын ик ӵошен ужано луоз ценрлэн ёзчиосызлы. Удмурт Элькунысь йöскалык политикая министрлэсь ужзэ быдэсъясь Л.Н. Буранова пусйиз: «Туннэ нунал понна элькунамы 32 мерлыко огазеяськонъёс. Шумпотӥськомы соослэн лыдзылэн йылэмезылы. Оскиськомы кема но пайдалыко ужанмылы».