Туэ элькунамы 603 площадка дасямын вал, соос пӧлысь одӥгез – Калыкъёслэн Эшъяськон юртсы. Ужрадэ пыриськизы УЭ-ысь Йӧскалык политикая министерствоысь, Калыкъёслэн Эшъяськон юртысь ӧнерчиос, йӧскалык-лулчеберетъя огазеяськонъёсысь асмылкыдчиос, дышетӥсьёс на пиналъёс. Та югдытон уж гинэ ӧвӧл, со – историямы борды йӧтскыны, ожгарчиослы йыбырттыны, шаермылэн зэмос нылъёсыныз но пиосыныз данъяськеммес вераны луонлык.

Пыриськелэ ужрадэ тӥ но! Тестэз диктантпобеды.рф нимлыко вотэсбамын ортчыны луэ.

Диктантэ пыриськыса асьмеос историмес утьыны  но пиналъёсмылы пыӵатыны тыршиськомы!