«Гербер» (0+) удмурт йӧскалык шулдыръяськон – удмурт калыклэн одӥгез валтӥсь праздникез – туэ ортчоз 20-тӥ инвожое Глаз ёросысь Коӵышгурт вӧзын. Ужрад 2026-тӥ арлэн, кудзэ Владимир Путин Россиысь калыкъёслэн огъя луэмзылэн ареныз юнматӥз, яркыт ужрадэз луоз.

Коӵышгурт Чупчие пырись Сэпыч шур дурын интыяськемын, шур дурын вашкала дыръя Иднакар сылӥз. Валтӥсь темаез – «Археологической пластысен – эпосозь. Гербер батыръёслэн музъем вылазы».

Ужрадэ пыриськыны ӧтисько элькунысь, бускель ёросъёсысь делегациос, удмурт мерлыко огазеяськонъёсысь вань улосчиос но куноос. Праздникез сӥё-дано усьтон ужрад 11 часын кутскоз. Собере «Гербер куриськон» Гербер ӝукез вӧсян радъямын луоз.

Валтӥсь сценаын йӧскалык но калыккуспо огазеяськонъёс шулдыртозы.

Озьы ик нунал ӵоже ужалозы творчествоя но спортъя пӧртэм площадкаос. Соос пӧлын: «Писпу кужым» егитъёслы этно-марафон, «БОНЪЁС vs. БЕНЪЁС» футбол шудонъя турнир, «Батыр-кужым» ӟигарез эскеронлы сӥзем площадка, лекториосын «Воршуд» площадка, арт-объект лэсьтонъя «Шаплы пила» мастер-класс но трос мукет.

Каръёсысь но ёросьёсысь делегациосты ӧтиськомы пыриськыны «Удмурт музъемез утӥсьёс» пулэсь лэсьтэм скульптураослэсь адӟытонэ. Ваем скульптураос – со Глаз ёрослы кузьым. Скульптураосын адӟытон интыяськоз валтӥсь капка возын. Шулдыръяськон бере соос «ДондыДор» парклы кузьмамын луозы. Скульптураослы куронъёс положениен юнматэмын.

Гербер шулдыръяськонлэн радъясьёсыз – УЭ-ысь Йӧскалык политикая министерство, Калыкъёслэн Эшъяськон юртсы, «Удмурт Кенеш» огазеяськон но Глаз ёрослэн администрациез.