Сайтысь утчано

Удмурт элькунысь йӧскалык политикая министерство
Сайтысь утчано
Саранскын «Наше поколение» финн-угор но самоди калыкъёслэн анай кылын гожтэм кылбуръёсъя но веросъёсъя вожвылъяськонлы йылпумъянъёс лэсьтӥзы
16 January 2023 Иворъёс

Саранскын «Наше поколение» финн-угор но самоди калыкъёслэн анай кылын гожтэм кылбуръёсъя но веросъёсъя вожвылъяськонлы йылпумъянъёс лэсьтӥзы

Саранскын «Наше поколение» финн-угор но самоди калыкъёслэн анай кылын гожтэм кылбуръёсъя но веросъёсъя вожвылъяськонлы йылпумъянъёс лэсьтӥзы.

153 пыриськисьёслэсь творческой ужъёссэс «Наше поколение» нимо книгае печатлазы. Изданилэн тиражез – 1600 экземпляр.

Ӟечокъёс пӧлын – «Балезино ёросысь лулчеберетэз азинтонъя центр» МКВЛУ-ысь ӧнерчи Ольга Першина.

Бичетэ пыриз «Данъяськисько калыкеным…» нимо кылбурез.

Дэмласьком тодматскыны Ольга Першиналэн уженыз.

Кин шуиз: удмурт калык востэм?
Кин оскытӥз: удмурт ке – дӥсьтӥсьтэм?
Соглаш уг лу туннэ та веранэн –
Данъяськисько мон удмурт калыкен.
Тӥ малпалэ, кӧня азьмынӥсьёс
Удмурт шаер кузьмаз вань дуннелы!
Гурт удысысь дано муртъёс,
Крезьгурасьёс, суредасьёс,
Дышетӥсьёс но артистъёс,
Политикъёс но эмъясьёс,
Кылбурасьёс, журналистъёс,
Кылысь кылэ берыктӥсьёс…
Ваньзэс быдтод шат вераса,
Ваньзэс вуттод шат данъяса?
Соин ик гажано ас выжымес,
Соин ик тодоно историмес,
Ӧвӧл ултӥяно одӥг огмес,
Уз пожаськы соку чылкыт ошмес.
Ӵошен, эшъёс, кулэ вамышъяны,
Ог-огмылы кулэ ми юрттыны.
Дэмен гинэ, эшъёс, быгатомы
Удмуртлыкмес эшшо но ӝутыны!

Автор: Ольга Першина

Поделиться