29-тӥ южтолэзьысен 14-тӥ оштолэзёзь 2024-тӥ аре «Культура для школьников» лулчеберетъя но дышетонъя ӵектос улсын «Семья сям-йылолъёс» («Семейные традиции») Огъяроссия акция ортчоз, кудӥз Семьялэн Арезлы но Россиысь калыкъёслэсь сям-йылоллъёссэс вӧлмытонлы сӥземын.

Россиысь Президентлэн Указэныз 2024-тӥ ар Семъялэн Арен шуыса юнматэмын, кун политикаен семьяез но семья дунлыкъёсты утён-вӧлмытон понна.

29-тӥ южтолэзьысен 14-тӥ оштолэзёзь вань дышетскисьёслы дэмламын семьяен герӟаськем видеоролик кылдытыны. Пӧртэм номинациосы пыриськыны луонлык вань:

– «Сям-йылолэн герӟаськем кырӟан» («Традиционное пение»)

– «Сям-йылолэн герӟаськем эктон» («Традиционный танец»)

– «Вашкала крезьгур инструментъёсын шудон» («Игра на традиционных музыкальных инструментах»)

– «Сям-йылолэн герӟаськем сиён-юон» («Традиционная кухня»)

– «Сям-йылолэн герӟаськем ӧнеръёс» («Традиционные ремесла»).

Та ужъёсты «Культурадляшкольников.РФ» порталын асьстэ вотэс бамады пуктыны кулэ луоз.

Жюри 50 тужгес но тунсыко ужъёсты быръёз, соос «Культурадляшкольников.РФ» порталын поттэмын луозы.

Ӵектослэн акциосыз сӥземын нылпиослы юрттэт сётонлы: мед соос асьсэлэсь быгатонлыкъёссэс «усьтозы» но азинтозы, дунне сярысь тодон-валанзэс муромытозы, кунмылэн лулчеберетэныз данъяськыны дышетскозы.

«Культура для школьников» ӵектосэз Россиысь лулчеберетъя но калыкез дышетонъя министерствоос улонэ вӧлмыто, озьы ик РОСКУЛЬТПРОЕКТ кивалтэт но Россиысь лулчеберетъя фонд.