Сайтысь утчано

Удмурт элькунысь йӧскалык политикая министерство
Сайтысь утчано
«Семык» элькун шулдыръяськон пор калыклэн мифологиезлы сӥземын луоз
03 May 2023 Иворъёс

«Семык» элькун шулдыръяськон пор калыклэн мифологиезлы сӥземын луоз

2-3-тӥ инвожое Алнаш ёросысь Пор Гондыргуртын «Семык» элькун шулдыръяськон ортчоз. Семык – пор калыклэн вашкала праздникез, кудӥз гужем вуэмен герӟаськемын. Солэн инъетаз – ӵыжы-выжы, гурт возёс но семья кусып обрядъёс луо.

2023-тӥ арын ужрад пор мифдуннелы сӥземын луоз. Котькуд калыклэн улоназ бадӟым инты басьто выжыкылъёс, мифъёс но легендаос. Ӵапак соос котыр ласянь калыкез возьмато, пичи дырысен йӧс асваланэз азинто, лулчеберетэз но кылэз яратыны дышето. Со сяна, вашкала верамъёс пӧртмась но аспӧртэмлыко дуннеез возьмато, азьло но туала вакытэз ог-огенызы герӟало. Талы луыса, адямиос лулбчеретсэс азинтыны но утьыны быгато.

Таяз аре «Семык» кызь сизьыметӥ ползэ ортчоз ни. Ужрад улсын пор калыклэн сям-йылолъёсыз, мифдуннеез пыр-поч усьтӥськозы. Нырысетӥ нуналаз егӥтъёслы сӥзем нимысьтыз программа радъяськоз.

3-тӥ инвожое ужрадэ Удмуртиысь но бускель улосвылъёсысь делегациос вуозы. Лыктэм куноосты мур пуштросо программа возьма: творческой коллективъёслэн тунсыко номеръёссы, поръёслэн туала дӥськутсылэсь адӟытон, «Мастарлык ола» киужъёсъя юртлэн арбериосызъя адӟытон-вузкарон. Озьы ик пыриськисьёс «Душистое панно» кисьёс вылын турынэн вуриськонъя масстер-классэ но вуылозы.

Со сяна, вань мылкыд карисьёс «Край, где начинается Родина» музей экспозициез адӟыны, пор крезьгур тӥрлыкъёсын тодматскыны, «Семья-хранитель традиций» егит семьяослы сӥзем вожвылъяськонэ пыриськыны, «Кечывал кочкыш» нимо сям-йылол нуназеянын кунояськыны быгатозы.

Поделиться