«Шудон корка» но Первый канал

1-тӥ инвожое Киров нимо паркын Первый каналлэн «Стань Первым» акциез улсын «Шудон корка» площадка ужалоз. Ужрадэз Калыкъёслэн эшъяськон юртсы, ТРК «Мынам Удмуртие» но Киужъёсъя но ӧнеръёсъя йӧскалык центр дасяло Удмурт Элькунысь йӧскалык политикая министрестволэн юрттэменыз.

Котькуд мылкыд карись пыриськыны быгатоз удмурт калык шудонъёсы, синпелет-кузьым лэсьтон мастер-классъёсы, удмурт эктонъёсы. Лыктэм куноосты шулдыртозы Лопшо Педунь но Обыда. Та площадкаын ик «Эктӥськом» вожвылъяськонлэн вормисьёсыз возьматозы асьсэлэсь тыпортонъёссэс. Йылпумъяськоз ужрад эктон флешмобен.

«Шудон корка» площадкалэн ужан радыз (Кирова нимо парклэн валтӥсь сценаез)

10.00 – 11.30 -“Эктоника” крезьгуро площадка;

11.00 – 14.00 – Кибашлыослэн ужъёсынызы адӟытон-вузкарон;

11.30 – 13.40 – Элькунысь нылпи коллективъёслэн концерт программазы;

11.30 – 14.00 – Шудон лэсьтонъя мастер-классъёс;

13.40 – 14.00 – Эктон флешмоб.