2 – 6-тӥ куартолэзе «Ёлочка» лагерьын «Путешествие в мир славянской культуры» смена радъяськоз.

Лагере мыныны быгато Ӟуч лулчеберетъя огазеяськонлэн но мукет йöскалык огазеяськонъёслэн ёзчиоссы, Ижкар но ёрос школаосын дышетскись 12-17 аресъем нылъёс но пиос.

Пиналъёсты туала мерлыкын кылдэм шуг-сектъёсты сэрттон-пертчон понна кулэ луись славян калыкъёслэн лулчеберетсылэн сӥ-данэныз тодматозы. Смена пумын дышетскисьёс асьсэос малпалозы акциос, ужрадъёс, кудъёсыз пиналъёслэсь кунмуртлыко асваланзэс будэтыны но юнматыны юрттозы.

Лагерьлэн прграммаез куинь блоклэсь сылэ:

1. Дышетон блок (лекциос, тунсыкон адямиосын пумиськонъёс, мастер классъёс, дискуссиос);

2. Азинтӥсь блок (шудонъёс, калык но спорт шудонъёс, калыкен кусып возьыны дышетӥсь шудонъёс);

3. Творческой блок (вожвылъяськонъёс, мастерскойёс).

Вазиськонэз 27-тӥ оштолэзёзь ork_ur@mail.ru адресъя келяно.

Пыр-поч ивортодэт басьтон понна жынгыртоно таӵе телефонъя: 8(3412) 63-10-36, 8-950-810-17-43 – Сомова Елена Вячеславовна, Ӟуч лулчеберетъя огазеяськонлэн тöроезлэн воштӥсез.