«Россия – луонлыкъёслэн кунзы» Презиндент ӵектослэн выль вожвылъяськоназ пыриськыны быгатэ котькуд семья, нимысьтыз команда кылдытыса. Вожвылъяськонлэн йылпумъянъёсыз вуоно аре лэсьтӥськозы. Вормись семьяос сертификат утозы улон интызэс умоятонлы, Россиятӥ бадӟым путешествиосы ветлонлы. Со сяна, партнёръёслэсь пыриськисъёслы трос пӧртэм кузьымъёс дасямын луозы.

«Та – милям семьямылэн» вожвылъяськонэ пыриськисьёслы регистрация 2023-тӥ арлэн 4-тӥ шуркынмонозяз этосемейное.рф вотэсбамын кыстӥськоз. Та ужрадэ пыриськыны быгатозы командаос, кудъёсаз кулэ луыны 4 яке солэсь тросгес ӵыжы-выжыос, 3 яке тросгес поколениос. Кылсярысь, 5–17 аресъем нылпиос, анай-атайёссы яке катлыко огмуртъёссы, песянайёссы, песятайёссы яке семьязылэн мукет ёзчиоссы.

Вожвыльяськон пӧртэм люкетъёслэсь кылдытэмын, шуркынмонэ-толсуре дистанционной амалэн этап ортчоз, южтолэзьысен куартолэзёзь улосвыл полуфиналъёс луозы, нош 2024-тӥ аре гужем бадӟым финалэн йылпумъяськоз, кудӥз ортчоз Москваын, отчы быдэс Россиысь 300 семья быръемын луоз.

«Та – милям семьямылэн» вожвылъяськонлэн радъясьёсыз – Росмолодежь но «Движение Первых» пиналъёслэн но егитъёслэн Россиякуспо мерлыко-кун движенизы, «Знание» Россия огазеяськон но «Больше чем путешествие» коммерциен герӟаськымтэ аскивалтӥсь ужъюрт.

Семьяос куспын та вожвылъяськонлэн кылдэмез – со Самара карысь Скатков семьялэн кичӧлтэмез. 2022-тӥ аре «Россия – луонлыкъёслэн кунзы» АНО-лэн Наблюдательной кенешез дыръя та малпанэз юнматӥз Россиысь Президент, Наблюдательной кенешлэн Председателез Владимир Путин. 2023-тӥ арын Тодон-валан нуналэ кунлэн азьмуртэз проектлэн кутсконэз сярысь ялӥз.

Туннэ нуналлы пыриськиз ини 340 сюрс адями, вераз Россия Федерациысь Президентлэн администрациысьтыз кивалтӥсьлэн нырысетӥ воштӥсез Сергей Кириенко.