Оглом университетын 42 пӧртэм шаеръёсысь адямиос дышетско. Таяз аре Тунис, Гвинея, Либерия выль кунъёсысь вуизы на.

Егитъёс понна татын трос вылез но тодмотэмез. Кылсярысь, кызьы дышетскон радъяськемын, Росси Федерациын кунсьӧр муртлэн правоосыз но обязанностьёсыз, кытын ял карыны но дырез ортчыны. Туннэ та но мукет юанъёсты Удмурт кун университетысь ректорат пумиськонын эскериз.

Студентъёсты ӟечкылаз Кибардин Михаил Михайлович дышетон ужъёсъя но выл кусыпъёсъя проректор. Университетэз быръемзы понна тау кылъёс вераз.

Удмурт кун университетысь калыккуспо студенческой клуб тодматӥз ӵектосъёсын, кудъёсыз кунгожсьӧр студентъёслы-первокурсникъёслы выль дышетскон интыен, элькунэн но карен тодматскыны, выль эшъёс шедьтыны юрттоз.

Со сяна, туннэ Узбекистан Элькунысь асьме университетын дышетскись студентъёсын Ziyo («Разум») Ассоциациенызы тодматэмын вал.

Пумиськонэз йылпумъяса, пусйизы университетысь студентъёсты-рекрутеръёсты, кудъёсыз ар ӵоже Узбекистанын кунгожсьӧр абитуриенъёсты Удмурт шаере кыскон понна ужазы.

Гажаса ӧтиськом Удмурт Элькунэ но сӥзиськом капчи дышетскон университетын!