Туннэ элькунамы Трокай Борисовлэсь вордӥськем нуналзэ пусйизы.
Элькунмылэн Тӧроез Александр Соловьев Трокайлэн синпельметэз доры сяська понон ужрадэ пыриськиз.
“Трофим Кузмич Борисов, туж трос лэсьтӥз удмурт калыклэн кунлыкез понна, – пусйиз Александр Соловьёв. – Секыт граждан ож вакытэ аслаз эшъёсыныз ӵош удмуртъёс пӧлын дышетон- югдытон уж радъяз. Ленинэн пумиськиз. Та бадӟым ужлэн йылпумъянэз Удмурт автономной областьлэн кылдэмез луиз. Со дырысен ортчиз 95 ар. Асьмеос тодыны кулэ ӟеч адямиослэсь ӟеч ужъёссэс. Тодыны кулэ историез”.
Ужрадэ пыриськизы: Удмурт Элькунысь йӧскалык политикая министр Л.Н. Буранова, «Удмурт кенеш» но мукет мерлыко огазеяськонъёслэн ёзчиоссы, студентъёс.
Фото: Карипов Э.