Та дыре университетын кунгожсьӧр студентъёс пӧлын тужгес но трос Узбекистанысь студентъёс дышетско (170 адями).

Центр Узбекистанысь огмуртъёсын ӵош лэсьтэм тодос-дышетонъя но лулчеберетъя ӵектосъёсты быдэстон, ӟуч но узбек кылъёсты, лулчеберетэз азинтон, Удмурт кун университетын дышетскись узбек студентъёслы юрттэт сётон понна кылдытэмын.

Студентъёсты ӟечкылазы А.В. Филатов, Удмурт Элькунысь йӧскалык политикая министрлэн воштӥсез, но Г.Н. Васильева, Удмурт кун университетысь ректорлэсь ужзэ быдэсъясь. Та центр студентъёсты, дышетӥсьёсты, Узбекистан но Удмурт Элькунъёсысь мерлыко огазеяськонъёсты герӟалоз, дышетон но лулчеберет кусыпъёсты юнматоз.
Озьы ик, центр усьтӥськонэн валче «Международный день музыки на родине П.И. Чайковского» музыкальной вебинар ортчиз.