Россиысь калыкъёслэн лулчеберет узырлыксылы сӥзем арез пусъён улсын Удмурт нылкышно кенеш калык творчестволы, кышномуртлэн киужезлы сӥзем «Чибориё» фотомарафон ялэ. Марафонэ котькуд мылкыд карись пыриськыны быгатэ.

Со понна «ВКонтакте» мерлыко вотэсбамын киужэн туспуктэм интыяно, яратоно ужды сярысь кöня ке кыл гожтоно, #Нылкышнокенеш #Чибориё хештег пуктоно.

Марафон 15-тӥ гудырикошконозь кыстӥськоз.