Вожвылъяськонэ пыриськыны быгато нылпиос, кудъёсыз удмурт кылэз тодо яке удмурт калыклэсь сям-йылолъёссэ, кылзэ дышето.

Вожвылъяськонэ пыриськыны быгато:

– нылпи садъёсысь бадӟым но подготовительной группа (5-7 аресъем нылпиос);

– дышетос огазеяськонъёсысь 1-4 классъёсын дышетскисьёс (7-11 аресъем нылпиос).

25-тӥ шуркынмонозь творческой уж быдэстоно но видео-форматэн келяно:

1. «Мон но мынам калыке» – нылпилэн визиткаез (3 минутозь). Ачид но удмурт калык сярысь верано. Маин тунсыко тынад калыкед? Маин быгатӥськод данъяськыны?

2. «Мынам творчествое» – нылпилэн кылдытос быгатонлыкъёсыз. Бырйыны луонлык вань: удмурт кылын кылбур лыдӟоно (2 минутозь) яке кырӟан, сценка но мукет возьматоно. Конкурсэ пыриськись нылпи одно ик удмурт кылын вераськыны кулэ.

3. «Калыкелэн узырлыкез» – (3 минутозь) лулчеберето калык наследие сярысь мадёс. Маин дуно калык? (1-2 пример презентациен). Татын валтӥсез луэ, куке нылпи тросгес ачиз удмурт кылын вераське ке.

Заявкаосты 10-тӥ коньывуонозь келяно.

Пыр-почгес вожвылъяськон сярысь положениысь лыдӟе:

Положение о Конкурсе