25–27 коньывуонэ «Удмуртилэн образэз туала лулчеберет интывылын» быдэс Россиысь калыккуспо пыриськон инэтэн форум Ижкарын ортчоз.

Форумын «Удмуртия глобальной лулчеберет интывылын» стратеги ӵектосъя ужась университетлэн йылпумъянъёсыз ялэмын луозы. Проект сӥземын калык киужъёсъя но ӧнеръёсъя устолыкез, удмурт кылосбурез, Удмурт Элькунысь улосвыл но туризм брендъёсты азинтонлы.

Ортчоно ужрадэ пыриськозы тодосчиос, УЭ-лэн министерствоосысьтыз но удысэтъёсысьтыз ӧнерчиос, муниципал кылдытэтъёслэн йӧскалык-лулчеберетъя огазеяськонъёсысьтызы кивалтӥсьёс но азьмынӥсьёс, школаосысь но удысужлыко инъетъёзо дышетскон ужъюртъёсысь дышетӥсьёс, музейёсысь но лыдӟетъюртъёсысь ужасьёс, муниципал кылдытэтъёсысь кивалтӥсьёс, туризм удысысь огмуртъёс.

Форум ортчытонын площадкаос радъямын луозы таӵе 5 темаосъя:

«Удмуртия – лулчеберетъёс куспын вачевераськонъя интывыл»;

«Удмурт кыл туала лулчеберет-мерлыко контекстын»;

«Устолыклэн, лулчеберетлэн но дышетон удысъёслэн йӧскалык-региональной инъетсы»;

«Удмурт Элькунын туризмлэн азинскон тенденциосыз»;

«Регионъёслэн мер-лулчеберето кодъёссы, медиаудысъёсты но калыкен кусыпъёсты лыдэ басьтыса»;

Пыр-поч ивортодэт – форумлэн вотэсбамаз: https://forum2023.udsu.ru/