«Удмуртия – вместе!» (0+) интывыл огинъёслэн форумъёссы оштолэзе ортчозы элькунлэн ньыль каръёсаз, кудъёсаз Калыкъёслэн Эшъяськон юртлэн луонлыкъёсъя центръёсыз усьтэмын: 7-тӥ оштолэзе – Воткакарын, 15-тӥ оштолэзе – Можгакарын, 23-тӥ оштолэзе – Сарапулын но 30-тӥ оштолэзе – Глазкарын.

Форумъёс юрттозы ӵектосъёсын, малпанъёсын, кичӧлтонъёсын тодматскыны, мерлык удысын ӧнерлыко герӟетъёсты юнматыны, озьы ик кун йӧскалык политикаез улонэ вӧлмытыны.

Форумлэн программаяз – «Новые вызовы – новые возможности. Сила сообществ» экспертной сессия, усьтэм вераськонъёс мерлык кенешез азинтон сярысь муниципал тӧрлык ёзэсъёс бордын, этнокультура инфрасӧзнэт сярысь ужъя сессиосын муниципал но муниципал куспо уровеньёсын, усто ӵектосъёслэн адӟытонъёссы, озьы ик этноволонтёръёслэсь ужзэс пӧрмытонъя площадкаос.

Форумъёсты радъяло Калыкъёслэн Эшъяськон юртлэн луонлыкъёсъя центръёсыз но Удмуртилэн Мерлык палатаез УЭ-ысь йӧскалык политика министерстволэн но Йӧскалык ужъёсъя федерал агентстволэн юрттэменызы.

Форумъёсы быгато пыриськыны муниципал кылдытэтъёслэн тӧрооссы, кар, ёрос но гурт администрациосысь ужасьёс, мерлык кенешъёсысь ёзчиос, муниципал кичӧлтонъёслэн но этнокультурной ӵектосъёслэн кылдытӥсьёссы, мерлык но йӧскалык-лулчеберетъя огазеяськонъёслэн кивалтӥсьёссы но азьмынӥсьёссы, коньдэтэн возиськись дышетонъя, лулчеберетъя, егитъёсын ужан политикая ужъюртъёсысь ужасьёс, озьы ик ужбергатӥсьёс.

Элькунысь адямиослэн та выллем ужрадъёсы пыриськемзы лулчеберетэз утёнлы но вӧлмытонлы юрттэ, со «Семья» йӧскалык ӵектослэн азьмугъёсызлы тупа.

Форуме пыриськон понна, регистрациез ортчоно.

Воткакарын регистрация 1-тӥ оштолэзёзь ортче та чӧлскетъя: https://forms.yandex.ru/u/67c7f805e010db218234f563/

Можгакарын регистрация 7-тӥ оштолэзёзь ортче та чӧлскетъя: https://forms.yandex.ru/cloud/67c6e030493639b97b4db951/

Сарапул карын регистрация 17-тӥ оштолэзёзь ортче та чӧлскетъя: https://forms.yandex.ru/cloud/67c80dcaf47e73219c82ce28/

Глазкарын регистрация 23-тӥ оштолэзёзь ортче та чӧлскетъя: https://forms.yandex.ru/u/67ce9412068ff0b40ba70a61/

Пыр-почгес «Вконтакте» ужрадлэн огиназ https://vk.com/urvmeste но сайте «Удмуртия – вместе» вотэсбамын.