5-тӥ толсуре — Ас мылкыд каронлэн (добровольчество) нуналэз. Пусйымон, ӵапак та туннэ Калыкъёслэн Эшъяськон юртазы Этноволонтёръёслэн элькун слётсы ортчиз.

Этноволонтёръёс — калыкъёслэсь эшъяськонзэс утёнын юрттӥськисьёс. Асьмеос соосты пумитаны быгатӥськомы пӧртэмесь йӧскалык- но конфессискуспо ужрадъёсын.

Сӥё-дано данъетанэ пыриськиз йӧскалык политикая министр Эдуард Петров. Со люкаськемъёсты ӟечкылаз, озьы ик этноволонтёръёслэсь но соослэсь огазеяськонзылэсь аспӧртэмлыко луэмзэс пусйиз:

«Удмуртиысь этноволонтёръёслэн элькун корпуссы – ас мылкыд каронъя площадкалы этнокультурной ужанын но йӧскалык кусыпъёсты умоятон удысъя юрттэт сётон. Со Калыкъёслэн Эшъяськон юртсылэн огез висъямон ӵектосэз, кудӥз пумен будэ-кужмоя! Оскисько, котькуддылэн мылкыдды бурдъяськиз, трос тодон-валан басьтӥды этноволонтёрской огазеяськонын. Люкам тодон-валанды азьланезлы бадӟым вормонъёс басьтыны инъет мед сётоз!»

150-лэсь трос адями люкаськылӥз. Этноволонтёръёслэн программазы тунсыко но узыр вал: ужан но модерационной сессиос, творческой мастерскойёс, мастер-класс, адӟытонъёс, музей-лабораториын экскурсиос, ӝӧквыл шудонъёс но трос мукет. Пыр-почгес  Удмуртиысь этноволонтёръёслэн элькун корпуссы 2.0. ӵектослэн огиназ.