19-тӥ южтолэзе 18.00 чаэ «Для Вас» (Ижкар к., Партизан ур., 34) кафеын Удмуртиысь азербайджанъёслэн «Достлуг» мерлыко огазеяськонзы Новруз-байрамлы сӥзем ужрад ортчытоз.

Новруз – шунды дырпусъя выль арлэн кутсконэз.. Инкуазьлэсь сайкамзэ, тулыс вуэмез ивортэ. Та праздник азербайджанъёслэн тужгес но яратоно праздниксы луэ. Та нунанёсы уг яра пӧяськыны, куаретыны, лекъяськыны. Одӥг жӧк котыре люкасько чыжы-выжыос, матысь адямиос. Соос ӝуато бадӟым тылскем, кудӥз праздниклэн символэз луэ. Вань оскон, со тылскем вылтӥ тэтчид ке, висёнъёс бурмо, уродэз огпала кошке.

Новруз – вашкала шулдыръяськон – герӟаськемын музъем ужен.Соин ик та нуналэ ӝӧк вылэ пукто чабейлэсь, кукурузалэсь, кӧжылэсь, рислэсь, кунжутлэсь, бобылэсь, тарилэсь но йыдылэсь пыжем куарняньёс. Та нуналлы дасям сиёнъёс пӧлысь тужгес но тодмояез луэ сумаляк -удадтэм чабейлэсь лэсьтэм сиён.

Вашкала сямъя, Новрузлы улон интыез утялотоно, чылкытатоно, пунэмъёсты берыктоно.

Ужрадэ ӧтемын быдэс дуннелы тодмо луись Брангурт песянайёс. Куноосты озьы ик шулдыртозы «Достлуг» огазеяськонлэн коллективъёсыз.

Ужрадъясьёс: «Удмуртиысь азербайджанъёслэн «Достлуг» мерлыко центрзы», мерлыко огазеяськон.