1-тӥ гудырикошконэ Можга карысь паркын ортчиз выль емышлы сӥзем «Выль» удмурт улосвылкуспо праздник. Ужрад Россилэн Азьмуртэныз Владимир Путинэн ялэм Россиысь калыкъёслэн огъя луэмзылэн арзы улсын ортчиз.

Люкаськемъёсты ӟечкылаз ЭЫ-ысь Йӧскалык политикая министрлэсь ужзэ быдэсъясь Эдуард Петров: «Выль» праздник — со удмурт калыклэн музъеменыз но вашкалаосмылэн ужаменызы улэп герӟет. Туннэ Можгаын адӟиськомы, кызьы выль емышлэн йылолъёсыз пӧртэм ёросъёсысь адямиосты огазеяло: Удмуртиысь, Татарстанысь но Башкортостанысь фермеръёс ужзылэсь ӟеч емышъёссэ вайизы. Тужгес но дуно, Россиысь калыкъёслэн огъя луэмзылэн араз ужрадэ мыло-кыдо пырисько егитъёс, кылзэс но сям-йылолъёссэс утьыса. Элькунын 130-лэсь трос калыкъёс тупаса уло, сыӵе ужрадъёс кусыпъёсты юнмато, лулчеберетэз но семья дунлыкъёсты утё».

«Ужам ужлэн емышез» нимо ярмарка ужрадлэн валтӥсь площадкаез луиз. Отын Удмуртиысь, Татарстанысь но Башкортостанысь крестьян-фермер возёсъёс но нимаз ужбергатӥсьёс выль емышсэс возьматӥзы. Куноос выль бакча сиёнъёс, емышъёс, чечы но мукет вузъёс басьтэм сяна, соосты веръяны но быгатӥзы. Вӧзаз «Паймымон емышъес» адӟытон-вожвылъяськон ужаз, отын бакча сиёнъёслэсь тужгес аспӧртэмлыко емышъёссэс, озьы ик будос материалъёслэсь композициоссэс но киужъёссэс возьматӥзы.

Удмурт кылэз тодӥсь нылкышноос «Выль кен» вожвылъяськонэ пыриськизы, нош пиналъёс — «Егит мылкыт» интерактивной шудонэ. Спортэз яратӥсьёс «Выль кужым — Байге» улосвылкуспо нюръяськонъёсын ӵошатскизы: пӧртэм улосъёсысь командаос канат кысканын, мешок нуллонын но булава куянын быгатонлыксэс возьматӥзы.

Эшъяськон площадкаын вӧсям ӝукен гастрономической площадка, нылпиослы шудон программаос но концерт ужазы. Лыктэмъёс шудонъёсъя, эктонъя но калык инструментъёсын шудонъя мастер-классъёсы пыриськизы.

Котькудӥз удмурт калыклэн улэп кылёсбурез борды йӧттӥськыны, сям-йылол ӝукез веръяны но зэмос калык шулдыръяськонлэсь мылкыдзэ шӧдыны быгатӥз. Та выллем ужрадъёсы пыриськон семья но духовно-нравственной дунлыкъёсты утьыны, лулчеберетэз азинтыны юрттэ, со кунлэн Азьмуртэзлэн Владимир Путинлэн юнматэм «Семья» йӧскалык ӵектослэн ужпумъёсызлы тупа.