Та кичӧлтонзы Ижкарысь но Удмуртиысь митрополит Викторинлэн но Удмуртиысь муфтий Фаиз-хазрат Мухамедшинлэн. 19-тӥ куартолэзе Удмуртиысь духовенство нимысьтыз ожгар ужрад мынон интые гуманитарной юрттэт келяз, кудаз пыризы куинь мотоцикл, адсконтэм карисьёс сетьёс, озьы ик сублимировать карем (куасьтэм) сиён пыризы.

«Шумпотымон луэ, черкысь небыт сюлэмо сузэръёс 100-лэсь трос адсконтэм карись сетьёс керттӥзы шуыса. Соосты но сублимировать карем сиён сяна, келяськом куинь мотоциклъёс, одӥгзэ соос пӧлысь Кивалтэтлэн Тӧроез Роман Валерьевич Ефимов сётӥз. Та огпол юрттэт гинэ ӧвӧл, ужез азьланьтомы», – вераз Ижкарысь но Удмуртиысь митрополит Викторин

Удмуртиысь муфтий Фаиз-хазрат Мухамедшин ватсаз, гуманитарной юрттэт дасяку нимысьтыз саклык висъяське ожгарчиослэн кулэяськонъёссылы.

«Ми басьтӥмы аспӧртэмлыко мотоциклъёс, кудъёсыз эвакуация ортчытны юрттозы. Малы ке шуоно валтӥсез – кулэяськисьёслы дырыз дыръя юрттэт сётыны. Таосыз модельёс – кык мурт тэрымон, бер подножказы но паськыт пукон интызы вань», – вераз Удмуртиысь муфтий Фаиз-хазрат Мухамедшин.

Пусъёмы, 2025-тӥ арын Удмуртиысь духовенство нимысьтыз ожгар ужрадэ машинаос но кроссовой мотоциклъёс, эмъюмъёс но эм тӥрлык, кема уродмисьтэм сиён, мисьтаськон арбериос, дӥськут, валес котыр, герӟаськон тӥрлык но адсконтэм карись сетьёс келяз. Та юрттэт сётон ужрадэ асмылкыдчиос, егитъёс, казак но йӧскалык огазеяськонъёс пырисько.

Оглом Удмуртиысь «Сообщество» фонд пыр 3,5 тонна пала гуманитарной юрттэт келямын.