5-тӥ южтолэзе Калыкъёслэн Эшъяськон юртазы 25-тӥез «Удмуртиысь калыкъёслэн огазеяськон нуналзы» йӧскалык устолыкъёсъя фестиваль ортчиз. Ужрад ас шаердэ яратыны, вань калыкъёс ог-огенызы тупаса улыны дышетонлы сӥземын. Элькунысьтымы улӥсьёслэн та ужрадэ пыриськемзы лулчеберетэз утёнлы но азинтонлы юрттэ, со «Семья» йӧскалык ӵектослэн азьмугъёсызлы тупа.

Ужрадэ 110 адями пыриськиз: 70 нылпи, 30 атай-атай, Ижкарысь школаозь дышетонъя ужъюртъёсысь 10 ӧнерчи, озьы ик йӧскалык-лулчеберетъя огазеяськонъёслэн огмуртъёссы. Нимысьтыз саклык йӧскалык эктонъёслы вал, нылпиос пӧртэм калыкъёслэсь фольклор люкетъёссэс ужазы кутӥзы. Котькуд эктон со яке мукет калыклэн лулчеберетэз сярысь вакчияк ивортодэтэн тырмытэмын вал. Адӟисьёс понна со туж тунсыко луиз.

Ужрадэз «Хэсэд-Ариэль» ӟечлэсьтон фонд, 280-тӥ номеро нылпи сад радъяло УЭ-ысь Йӧскалык политикая министерство, Ижкарысь Дышетонъя кивалтонни но Движение Первых юрттэменызы.