4-тӥ пӧсьтолэзе Москваысь ВДНХ-ын семьялы сӥзем Гербер (0+) йӧскалык удмурт шулдыръяськон ортчоз. Программаез радъясьёс быгатӥзы  устолыко, спорт но крезьгуро ужрадъёсты, адӟытон сэрегез огазеяны. Ужрад луоз 2026-тӥ арлэн одӥгез яркыт ужрадэз, кудзэ кунлэн Азьмуртэз Владимир Путин ялӥз Россиысь калыкъёслэн огяъ луэмзылэн аренызы.

«Москваын ортчись Гербер – со Удмуртиенынымы, солэн азинсконъёсыныз но улӥсьёсыныз тодматскон инты. Ми шумпотӥськом, асьме доры элькунамы вордӥськемъёс но, азьвыл соин тодмо луисьтэмъёс но ветло шуыса. Асьмелэн ужпуммы – возьматыны, та интыысь сям-йылолъёс котькуд адямилы тунсыко но матын луо шуыса. Ми возьмаськом трос куноосты но соослы паймытыны дась», –  пусъе Удмуртилэн Тӧроез Александр Бречалов.

ВДНХ-ысь валтӥсь сцена вылын шулдыртозы адӟем карымон чеберлыко коллективъёс, кылсярысь, кун академической кырӟанъя но эктонъя «Италмас» ансамбль но туала вакытэ выльдэм фольклорез возьматӥсь «Эктоника» ӵектос. Ужрад улсын «Каменный цветок» нимо фонтан дорын «Валче»  этномарафон ортчоз.

Ужрадэз радъясьёс — Удмурт Элькун Кивалтэт но Россиысь Азьмурт бордын ужась Удмуртилэн Тӧроезлэн Постпредствоез ВДНХ-лэн но Москвалэн Йӧскалык политикая но улосвылкуспо кусыпъёсъя департаментэз юрттэмен «Калыкъёслэн эшъяськонзы» йӧскалык куно пумитан фестиваль улсын.

Гербер шулдыръяськон Москваын тямысэтӥ ползэ ортчоз. Кылем арын ужрадэ тямыстон кык сюрс пала адями вуылӥз.

Фото: Россиысь Азьмурт бордын ужась Удмуртилэн Тӧроезлэн Постпредствоез.