20-тӥ коньывуонэ УЭ-ысь Мерлык палатаын пленарной кенешон ортчиз. Ижкарысь но Удмурт Элькунысь митрополит Викторинлэн кичӧлтэмезъя сям-йылолэн герӟаськем лулпуш-сӥбур дунлыкъёсты утёнъя но юнматонъя ӧри кылдытэмын.

Мерлык палаталэн председателез Светлана Малышева владыкалэсь малпанзэ умоен лыдъяз. Палаталэн ёзчиосыз ӧриез кылдытон понна огкылысь куара сётӥзы.

«Кылем аре шуркынмонэ Удмуртиын Ваньдунне ӟуч калык собор ёзэт кылдытӥмы, нош 2023-тӥ аре куарусёнэ «Анайлыкез но пиналэз утён» темая нырысетӥ съезд ортчытӥмы. Съезд ортчем бере УЭ-ысь Мерлык палаталы дэмламын вал сям-йылолэн герӟаськем лулпуш-сӥбур дунлыкъёсты утёнъя но юнматонъя нимысьтыз ӧри кылдытыны. Та ужпум тупа Россиысь Президентлэн 809-тӥ номеро поттэм указэныз. Туннэ пленарной кенешонын сям-йылолэн герӟаськем лулпуш-сӥбур дунлыкъёсты утён но юнматон понна ми юнматӥмы выль ӧри. Отчы пырозы Мерлык палаталэн ёзчиосыз, патриотизм мылкыдо дэменлыкъёсысь огмуртъёс, вӧсьбур огазеяськонъёс но конфессиос. Уж трос, со пайдаен берытскыны кулэ», – вера Ижкарысь но Удмурт Элькунысь митрополит Викторин.

Пыриськисьёсты пумитаз Татьяна Чуракова, УЭ-ысь Кивалтэтлэн Председателезлэн воштӥсез.

Собере люкаськемъёс кылзӥськизы мерлык кичӧлтэмъёс но проектъёс сярысь, кудъёсыз адямиосты лулпуш-патриотизмо будэтон удысын улонэ пыӵатӥсько. Мерлык палаталэн 809-тӥ номеро Указлэн ужез сярысь вераськиз УЭ-ысь Мерлык палаталэн кышкытлыклэсь утиськонъя Ӧриысьтыз председательлэн воштӥсез но Ижкар епархиысь юридик службалэн кивалтӥсез Алексей Артемьев. Докладын нимысьтыз саклык висъямын вал ӵектослы, кудӥз «Удмуртия. ЗаРождение» калык утёнлы сӥземын. Та проектэз Ижкар епархиысь анайлык но нылпи утёнъя Ӧрилэн председетелез Анна Воскресенских улонэ вӧлмытэ.

Выль кылдытэм комиссилы председателе быръемын Светлана Малышева, нош солэн воштӥсез луиз митрополит Викторин.

Ӧрие УЭ-ысь Мерлык палаталэн ёзчиосыз пыризы:

Малышева Светлана Анатольевна;

Митрополит Викторин;

Артемьев Алексей Олегович;

Байметов Владимир Александрович;

Ихсанов Нафис Сагадатович;

Наговицына Ксения Владимировна;

Стерхова Рамзия Касимовна;

Тюльпин Виталий Эдуардович;

Урасин Руслан Николаевич;

Шахтина Юлия Германовна;

Шихарева Ирина Юрьевна.