Удмурт Элькунысь йӧскалык политикая министерствысь ӧнрчиос мур куректэмзэс верало Анатолий Григорьевич Чирковлэн улонысь кошкемкныз валче.

Анатолий Григорьевич быдэс улонзэ сӥзиз Эгра ёрослы. Ӟеч ужъёсыз понна сое яратӥз но гажаз котькуд адями, кудӥзлы шуд усиз одӥг пол ке пумиськыны, вераськыны та аспӧртэмлыко адямиен. «Эгра ёрос» муниципал кылдытэт администрациысь лулчеберетъя кивалтоннилэн кузёез луыса, со вань сюлмыныз висиз аслаз ужез понна, сюлмаськиз калыклэсь лулчеберетсэ азинтон но утён понна, фольклор коллективъёс понна, калык кусыпъёсты юнматон понна.

Анатолий Григорьевич возьматӥз, кызьы адями вань сюлэмзэ сётыса ужаны быгатэ вордӥськем шаерлы, калыклы ӟеч лэсьтон вылысь. Котькуд уж борды мылысь-кыдысь, рос-прос басьтӥськемез понна, калыкез пумтэм гажемез понна, ужзэ быгатыса лэсьтэмез понна сое Эгра ёросын гинэ ӧз, быдэс элькунамы, гажазы. Солэсь кылзӥсько, адӟем каро, визь-кенеш юало вал.

Öвӧл ни усто кивалтӥсь, ужрадъясь, сюлмо адями но оскымон эш!

Семьяезлы, ӵыжы-выжыосызлы мур куректэммес вераськомы. Анатолий Григорьевич котьку но сюлэмамы улозы.

Анатолий Григорьевич Чирковен люкиськон ортчоз 5-тӥ толсуре Эгра черкогуртысь «Нефтяник» лулчеберет юртын 10.00 часысен 11.40 часозь.