02-06-тӥ толшор толэзе «Дружба» лагерын удмурт егитъёслэн «Шунды» мерлыко огазеяськонзы Удмурт Элькунысь йӧскалык политикая но Физкультурая, спортъя но егитъёсын ужан политикая министерствоосын, Калыкъёслэн Эшъяськон юртэнызы ӵош егит азьветлӥсьёсты дасянъя «Вамыш» лагерь смена ортчытэ.

Ӵектос радъяське удмурт егит азьветлӥсьёсты дасян вылысь. Вить нунал ӵоже 10-11-тӥ классъёсын дышетскисьёс, студентъёс 4 программая тодон-валан басьтозы: «крезьгурен ужасьёс», «нылпиосын ужасьёс», «видеоен ужасьёс», «ужрадэз дасясьёс».

Лариса Ускова но Ирина Трубицына егитъёслы дасязы тренингъёс, ролевой шудонъёс но пӧртэм упражнениос, синмысь-синме вераськонъёс. Шутэтскон программазы но пиналъёслэн туж узыр – визь сынан шудонъёс, спорт ӵошатсконъёс, диджейёслэн нюръяськонзы, «Крокодил» шудон, удмурт йӧскалык театрысь актёръёсын пумиськон, позыръяськон. Нылъёс понна нимысьтыз мастер-класс радъямын – косметолог соосты асьсэлэсь тусбуйзэс лэсьтыны но асьсэды утялтыны дышетоз.

Вань юанъёсъя вазиськоно таӵе телефонъя: 8 904 837 14 33, (3412) 63-10-44, (Тронина Ольга Алексеевна – «Шунды» мерлыко огазеяськонлэн кивалтӥсез