25-28-тӥ коньывуонэ 2024-тӥ аре Суздальын «Вера. Надежда. Любовь» XVI Калыккукспо Форум-фестиваль ортчоз. Со семья династиослы, йӧскалык лулчеберетлы, калык ӧнеръёслы сӥземын луоз. Туэ арын та фестиваль ужрадъёсын инъет Планэ пыртэмын Россия Федерациын Семьялэсь Арзэ пусъён улсын.

Форум-фестиваль – со лулчеберетъя но ужбергатонэн герӟаськем ужрадъёсын огъет. Со возьматоз йӧскалык лулчеберетысь сям-йылолъёсты, ӵыжы-выжы кусыпъёсты, династиослэсь удысужлыко улэмзэс, семья ужбергатонэз. Форум ортчоз тодослыко-практической конференция, семинаръёс, вакчиесь пресс-конференциос амалъёсын. Со сяна малпамын на лулчеберет, мерлык но дышетон ӧръя тужгес но ӟеч улосвыл ӵектосъёсты адӟытыны.

Форум-фестиваль 1500-лэсь трос пыриськисьёсты, куноосты, учкисьёсты огазеялоз. Пыриськыны быгато пӧртэм арлыдъя, йӧскалыкъя, осконъя, мерлык луонлыкъя но тазалыкъя адямиос.

Фестивальын ӵошатсконъёс луозы, соосты ужрадъясь кивалтонни ортчытоз.

Таяз арын программае ватсамын вожвылъяськонъёс, соос пыриськисьёслэсь йӧскалык аспӧртэмлыксэс возьматозы: «Семейный оберег», «Песня трех поколений в семье», «Сказка о моей семье» (литературая вожвылъяськон), «Любимый Суздаль – с Днем Рождения!» (открытка).

Форум-фестивальлэн дано куноосыз пӧлын луозы Россия Федерацилэн Кун Думаысьтыз, министерствоосысь, вӧсьбур но мерлык огазеяськонъёсысь огмуртъёс, Россия Федерациысь адямилэн эрикрадъёсызъя уполномочить карем адями но озьы ик устолык но лулчеберет удысъёсысь тодмо адямиос.