Туннэ Вавож черкогуртын Владимир Турановлы, ожгар операциын бырем атаманлы, «Дон» казачий отрядлэн командирезлы синпелет усьтӥзы.
Быдэс улонзэ В. Туранов ожгар службалы сӥзиз. Россия Армиын 25 арлэсь тросгес Атыкай музъемез утисьёсты дышетӥз. Пенсие потэм бераз, 2020-тӥ арысен Владимир Владимирович Вавожысь нылпи творчествоя центрын дышетӥсь луыса ужаз.Ужрадэ патриотизмо клубъёсысь, школаосысь дышетскисьёс, казакъёс, Вавож черкогуртысь улӥсьёс но лыктэм куноос пыриськизы. Оглом 100 адями люкаськиз. Вавож ёросысь ожгар операциын быремъёслы ож тӥрлык салют лэсьтэмын вал.
Удмурт Элькунысь «Станица Староникольская» «Союз Казаков-Воинов России и Зарубежья» представительствоысь атаман Владимир Владимирович Турановез “Мужество” орденэн кулэм бераз данъязы.