7-тӥ оштолэзе Воткакарын «Удмуртия – вместе!» (16+) интывыл огинъёслэн форумзы радъямын вал. Соос оштолэзь куспын элькунмылэн 4 караз ортчозы, кудъёсаз Калыкъёслэн Эшъяськон юртсылэн луонлыкъёс сётонъя центръёс усьтылэмын.

Форуме мыло-кыдо пыриськизы муниципал кылдытэтъёслэн тӧрооссы, кар, ёрос но гурт администрациосысь ужасьёс, мерлык кенешъёсысь ёзчиос, муниципал кичӧлтонъёслэн но этнокультурной ӵектосъёслэн кылдытӥсьёссы, мерлык но йӧскалык-лулчеберетъя огазеяськонъёслэн кивалтӥсьёссы но азьмынӥсьёссы, коньдэтэн возиськись дышетонъя, лулчеберетъя, егитъёсын ужан политикая ужъюртъёсысь ужасьёс, озьы ик ужбергатӥсьёс.

«Удмуртия – вместе!» форумъёсты радъяло Калыкъёслэн Эшъяськон юртсы, Удмуртиысь Мерлык палата УЭ-ысь йӧскалык политика министерстволэн но Кивалтэтлэн Администрациезлэн юрттэменызы.

Вуоно пумиськонъёс ортчозы: 17-тӥ оштолэзе – Уваын, 23-тӥ оштолэзе – Глазкарын, 29-тӥ оштолэзе – Пичи Пургаын.