Удмурт Элькунысь йӧскалык политикая министерство Удмурт Элькунысь кун кылъёсты но Удмурт Элькунысь калыкъёслэсь мукет кылъёссэс утьыны но вӧлмытыны, троскылъемлыкез азинтыны юрттӥсь ӵектосъёсты быдэстыны субсиди сётон вылысь вожвылъяськон ортчытэ.

Коньдон висъяське «Россиын улӥсь калыкъёслэсь кусыпъёссэс юнматон но лулчеберетсэс азинтон (2014-2020-тӥ аръёс)» нимысьтыз ужась федерал кун программаез но «2013-2020-тӥ аръёсы йӧскалыкъёслэсь кусыпъёссэс юнматон но мерлыко улонзэс азинтон» Удмурт Элькунысь кун программаез быдэстон улсын. Вожвылъяськонлэн валтӥсь мугез: Удмурт Элькунысь кун кылъёсты но Удмурт Элькунысь калыкъёслэсь мукет кылъёссэс утён, азинтон но вӧлмытон удысын муниципал кылдытэтъёслэсь ужзэс радъян, анай кылъёслэсь данзэс ӝутон.

Заявка сётыны луэ 29-тӥ инвожоозь 2015-тӥ арозь таӵе адресъя: Ижкар к., Орджоникидзе ур., 33 Б юрт, Удмурт Элькунысь йӧскалык политикая министерство, 3-тӥ каб., 8.30-17.30.

Юанъёсын вазиськыны луэ таӵе телефонъя: (3412) 68-77-98 – Ложкина Елизавета Владимировна, министерствоысь валтӥсь ӧнерчи.