Удмурт Элькунысь йӧскалык политикая министерство элькунысьтымы мерлыко огазеяськонъёслы калыкъёслэсь кусыпъёссэс но ог-огзэсты валанзэс азинтыны юрттӥсь ӵектосъёсты быдэстыны субсиди сётон вылысь радъям вожвылъяськонлэсь 2-тӥ этапезлы йылпумъянъёс лэсьтӥз.

Тодады вайытӥськомы, коньдон висъяське «Россиын улӥсь калыкъёслэсь кусыпъёссэс юнматон но лулчеберетсэс азинтон (2014-2020-тӥ аръёс)» нимысьтыз ужась федерал кун программаез но «2013-2020-тӥ аръёсы йӧскалыкъёслэсь кусыпъёссэс юнматон но мерлыко улонзэс азинтон» Удмурт Элькунысь кун программаез быдэстон улсын. Вожвылъяськонлэн валтӥсь мугез: мерлыко огазеяськонъёслы калык кусыпъёсты радъяны, эстремизмлы но терроризмлы пумит нюръськыны юрттон. Ужъёсты дунъяку саклык висъяськиз ӵектослэн трос адямиослы, тужгес но быдэ вуымтэослы, пыриськыны луонлык кылдытэмезлы.

Вожвылъяськонэ сётэмын вал 12 ӵектос, соос пӧлысь 11 быдэстыны коньдон висъяськоз.

Озьыен, вормисе потӥзы таӵе ӵектосъёс:

«Тематический перекидной настенный календарь на 2016 год «Народы Удмуртии» – «Вань удмуртъёслэн «Удмурт Кенеш» улосвылкуспо ассоциацизы» мерлыко огазеяськонлэн ӵектосэз.

«Удмуртия – многонациональная» (этнокультурное путешествие) – «Удмурт Элькунысь бигеръёслэн йӧскалык лулчеберетъя улосвыл автономизы» мерлыко огазеяськонлэн ӵектосэз.

«Танцы народов Удмуртии» – Удуртиысь крашенъёслэн йӧскалык лулчеберетъя элькун центрзылэн ӵектосэз.

«Межрайонный слёт кадет: Сыны России» – коммерциен герӟаськымтэ «Станица игринская» огазеяськонлэн ӵектосэз.

«Выжыкыл дунне. Сказочная страна» – Пор нылкышноослэн «Ава шум» кенешсылэн но Удмурт нылкышно кенешлэн ӵектоссы.

«Литература как фактор формирования духовных ценностей молодёжи коренных народов Удмуртской Республики» – «Удмурт Элькунысь бигер нылкышноослэн «Ак калфак» кенешсы» мерлыко огазеяськонлэн ӵектосэз.

«Межнациональный фестиваль семей «Семейная летопись» – удмурт егитъёслэн «Шунды» мерлыко огазеяськонзылэн ӵектосэз.

«Межнациональная интеллектуальная игра «Интеллектуальное пятиборье» – Удмурт Элькунысь егитъёслэн мерлыко огазеськонъёссылэн «Вместе» Ассоциацизылэн ӵектосэз.

«Хоровод дружбы» – «Удмурт Элькунысь бесерманъёслэн огазеяськонзы» мерлыко огазеяськонлэн ӵектосэз.

«Этноконтакт» – «Ӟуч лулчеберетъя Удмурт Элькунысь огазеяськон» мерлыко огазеяськонлэн ӵектосэз.

«Дни родственных финно-угорских народов» – пор егитъёслэн«Ужара» («Заря») мерлыко огазеяськонзылэн ӵектосэз.