Котькуд ар Удмурт Элькунысь йӧскалык политикая министерство Удмурт Элькунысь Калыкъёслэн эшъяськон юртэнызы ӵош социокультурной проектъёс гожъянъя семинаръёс ортчыто. Та ужрад калыкъёсын ӵош ужан но кусыпъёсты умоятон, экстремизмез эскерон, терроризм идеологилы пумит луон, Росси шаерысь калыкъёслэсь аспӧрмослыксэс, лулчеберетсэс, кылзэс но сям-йылолъёссэс утён понна ӧръямын.

6-тӥ куарусёнэ Яр ёросын Петров Эдуард Степановичен, Удмурт Элькунысь йӧскалык политикая министрен, пумиськон ортчиз. Юанъёсты но дэмланъёсты сэрттон-пертчон дыръя кун луисьтэм огазеяськонъёслэн ёзчиоссы мерлыко проектированилы дышетсконлы мылкыд каремзэс веразы. Та сэрен, ёросазы 20-21-тӥ куарусёнэ «Основы социокультурного проектирования» нимо семинар ортче.

Ужрадэ 40 адями вуиз. Кык нунал ӵоже пыриськисьёс проектирование удысысь ӧнерчиен Князева Лариса Феликсовнаен дасям программаез ортчо.