Ужрадлэсь улосвыл этапсэ Удмурт Элькунысь йӧскалык политикая министерство радъя.

Валтӥсь азьмугез – «калыкъёс вискын эшлыко кусыпъёсты юнматон, озьы ик муниципал мертэтъёсъя йӧскалык политика удысын мукет ужрадъёсты радъян» номинация улсын, муниципал кивалтонниез радъянъя но муниципал кылдытэтъёслэсь юанъёссэс сэрттон-пертчонъя тужгес но ӟеч практикъёсты шедьтон, данъян но ёзчиос пӧлын вӧлмытон.

Вожвылъяськонэ пыриськыны быгато: а) I категория – муниципал, кар округъёс, б) II категория – гуртъёс.

Удмурт Элькунысь муниципал кылдытэтъёсты ӧтиськомы пыриськыны федерал вожвылъяськонлэн улосвыл этапаз тужгес но усто практикаеныз, кудӥз калыкъёс вискын эшлыко кусыпъёсты юнматонлы, Россиысь калыкъёслэн этнокультура удыссылы юрттэт сётонлы сӥземын луоз.

Мылкыд карисьёслы 2026-тӥ арлэн 26–тӥ куартолэзёзяз Удмурт Элькунысь Йӧскалык политикая министерствое (Ижкар, Орджоникидзе нимо ур., 33Б, 4-тӥ каб.) заявка, вормемъёсты возьматӥсь тодэтъёс но презентация ваёно.

Со сяна, Калыкъёслэн Эшъяськон юртсы юрттэт сётонъя арня радъя, кудӥз 12-тӥ – 25-тӥ куартолэзе ортчоз. Таӵе амал сӥземын заявкаосты дасян понна. Вазиськыны луэ та номеръя 8(912)852-20-68, эл. почта: ddnproekt@bk.ru, Князева Лариса Феликсовна.

Вожвылъяськон сярысь пыр-почгес татысь лыдӟыны быгатоды.

Ватсам ивортодэт таӵе телефонъя басьтыны луэ (3412) 68-77-98 – Корепанов Александр Юрьевич.