Туннэ Вань удмуртъёслэн «Удмурт Кенеш» огазеяськемзы пусъе 30 ар юбилейзэ!

30 ар ӵоже Вань удмуртъёслэн «Удмурт кенеш» ассоциацизы ас котыраз люка адямиосты, кудъёсызлэн сюлэмзы висе удмуртъёс понна, кудъёсыз мылысь-кыдысь тыршо удмурт кылэз, лулчеберетэз, сям-йылолъёсты утён но азинтон, егитъёс пöлы вöлмытон, калыклэсь асваланзэ ӝутон бордын.

Туннэ огазеяськон 30 арессэ пусъе. Та дыр куспын туж трос уж лэсьтэмын. Удмурт Элькунмылэн вань ёросъёсаз но элькунмылэн палэназ огазеяськонлэн ёзэтъёсыз ужало. Удмурт нылпиос понна Ижкарын Кузебай Герд нимо кун гимназия усьтэмын, озьы ик та ужлы кутскон сётэмын Можга но Глаз каръёсын, удмурт кылъя но литературая учебникъёс федерал лыдметэ пыртэмын, удмурт калыклэн азьветлӥсьёсыз арлы быдэ йӧскалык премиен пусйисько, удмурт кыллэн нуналэз кун праздникъёс пöлы пыртэмын, удмурт калыкез югдытӥсьёслэн, кунлыкез дурисьёслэн нимъёссы пыраклы вунэтонтэм каремын. Та но трос мукет ужъёс лэсьтэмын тӥляд юрттэменыды, тӥляд кичöлтэменыды, тӥляд тыршеменыды!

Тӥ вамыштӥськоды дырлэсь, улонлэсь, калыклэсь куронъёссэ но кулэяськонъёссэ валаса, лыдэ басьтыса. Соин ик ӵектосъёсты, кичöлтонъёсты пöрмо туалалыко, тунсыко, пайдалыко, калыкез бордазы кыско, огазеяло, малпаськыто. Тужгес но пусйымон луо таӵе ӵектосъёс: Гердлы сӥзем лыдӟонъёс, Бадӟым удмурт диктант, «Пичи Чеберайёс но Батыръёс» нылпи фестиваль, нылкышно творчествоя «Чеберай» марафон, удмурт кырӟанъя улосвылкуспо «Элькуновидение» вожвылъяськон, «Выжы-выжы-выжыкыл» нылпи вожвылъяськон, «Выль» но «Гербер» калык шулдыръяськонъёс.

Ӟечкыласькомы «Удмурт Кенеш» ассоциацилэсь президентсэ Татьяна Витальевна Ишматоваез но огазеяськонлэсь вань ёзчиоссэ. Тау кариськомы мылысь-кыдысь ужамдылы, калык понна сюлмаськемдылы, егитъёслы адӟем карымон луэмдылы, калыкез котырады люканы быгатэмдылы! Азьлань, эшъёс! Тазалык тӥледлы! Бадӟым вормонъёс ужады, визьмо но оскымон эшъёс котырады. Сюлэмдэс шумпотон но ӟечезлы оскон мед шунтоз!

Вот уже 30 лет «Удмурт Кенеш» является центром притяжения для всех тех, кто неравнодушен к судьбе удмуртского народа и национальной культуры.

Сегодня Всеудмуртская ассоциация отмечает свой юбилей. 30 лет назад на I Всесоюзном съезде удмуртов с целью возрождения и развития удмуртского народа была образована Всеудмуртская ассоциация «Удмурт Кенеш».

За годы своей деятельности члены «Удмурт Кенеш» сделали очень многое. Это создание отделений ассоциации во всех районах и городах республики и за ее пределами, активное участие в принятии Закона «О государственных языках Удмуртской Республики и иных языках народов Удмуртской Республики», создании Удмуртской государственной национальной гимназии имени Кузебая Герда, открытии классов с углубленным изучением удмуртского языка, включении учебников по удмуртскому языку и литературе в федеральный перечень и признании государственного статуса международного Дня удмуртского языка, учреждение национальных премий, увековечивание памяти выдающихся деятелей республики, проведение Дней удмуртской культуры в  регионах России с компактным проживанием удмуртов.

Спустя 30 лет Всеудмуртская ассоциация продолжает жить такой же насыщенной и эффективной в деловом плане жизнью и является инициатором множества интересных, актуальных и социально-значимых проектов по сохранению и развитию языка, культуры и традиций своего народа. Среди них — научно-практическая конференция «Гердовские чтения», Большой удмуртский диктант, детский фестиваль-конкурс «Пичи Чеберайёс но Батыръёс», детский конкурс «Выжы-выжы-выжыкыл», марафон женского творчества «Чеберай», конкурс удмуртской песни «Элькуновидение», национальные праздники «Гербер» и «Выль».

От всей души поздравляем Президента Всеудмуртской Ассоциации «Удмурт Кенеш» Татьяну Витальевну Ишматову и всех членов «Удмурт Кенеш» с этой значимой датой. Мы благодарим Вас за настойчивость, упорство и устремленность. Новых достижений и успехов, друзья!

С юбилеем!

Фото: УДМУРТ КЕНЕШ official