Поиск

Министерство национальной политики УР
поиск по сайту
Йӧскалык лулчеберетлы сӥзем егитъёслэн "Тангыра"  ортчоз Ижкарын
29 июля 2020 Иворъёс

Йӧскалык лулчеберетлы сӥзем егитъёслэн "Тангыра" ортчоз Ижкарын

Ужрад 8-тӥ гудырикошконэ 17.00 часэ «Талисман» вузкарон центрлэн машина пуктыны чаклам интыяз drive-in форматэн ортчоз. Егитъёслэн «Тангыра» фестивальзы — пӧртэм устолыкъёсты огазеясь тросформатъем площадка.

Drive-in амалэн ортчись ужрадъёсын артистъёс сцена вылын кырӟало-экто, нош калык соосты аслаз машиняз пукыса учке. Фестивальлэн программаяз чакламын крезьгуро выступлениос, туала этно-дизайнеръёслэн видеовозьматонъёссы, этно-вузкарон. Сцена вылэ потозы егитъёслэн группаоссы, кудъёсыз Россиын улӥсь калыкъёслэн кылъёсыныз крезьгуро композициос кылдытъяло. Кылсярысь: GAUGA (Татарстан), ЯлАР (Чувашия), У ЕН (Марий Эл), Шай-Май (Пермский край), Аrgymak (Башкортостан), Вobolenin (Удмуртия), Mordens (Мордовия).

Ужрадэ машинаен гинэ пырыны луоз.

Фестивале пыриськон понна Калыкъёслэн Эшъяськон юртсылэн вотэсбамаз пусйиськоно.

Ватсаса ивортодэт басьтыны луоз (3412) 63-10-81 телефонъя но Фестивальлэн Валатэтысьтыз.

Поделиться